Mijëra protestues dolën në rrugët e kryeqytetit bullgar të hënën për të pestën ditë me radhë për ta kërkuar dorëheqjen e kryeministrit Boyko Borisov, dhe qeverisë së tij, të cilën po e akuzojnë për korrupsion.
Protesta u mbajtën gjithashtu edhe në së paku dhjetë qytete të tjera, përfshirë qytetin e dytë më të madh, Plovdiv, dhe qytetet Varna e Burgas, që shtrihen në bregdetin e Detit të Zi, shkruan “Free Europe”, transmeton Gazeta Express.
Në Sofia, protestuesit që thanë se e kundërshtojnë korrupsionin dhe sjelljen si të mafive, u tubuan afër ndërtesës së presidencës dhe Këshillit të Ministrave.
Më vonë, ata shkuan para Ministrisë së Brendshme, ku protestuan kundër dhunës policore në protestat e kaluara dhe e kërkuan dorëheqjen e ministrit Mladen Marinov. Ministria tha se është duke i hetuar këto dyshime.
Protestuesit janë duke e kërkuar edhe dorëheqjen e kryeprokurorit Ivan Geshev.
Socialistët në opozitë, të cilët i përkrahin protestuesit dhe presidentin Rumen Radev, kanë thënë se do ta nisin një mocion mosbesimi ndaj qeverisë më 15 korrik, pikërisht në ditën kur janë planifikuar protesta masive.
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...